Kumpulan Mop Papaua

MOP : KIRIM SURAT TARA TAU BALAS

Obed, dorang murid SMP yang terkenal nakal, ditegur oleh Ibu Gurunya.
Ibu Guru : " Obed, ee kenapa kalamarin ko tara pi masuk skolah ?"
Obed : " Sa ada sakit, bu Guru !"
Ibu Guru : " Ah ..... kenapa ko tara kirim surat ?"
Obed : " Parcuma saja ! bu Guru tara tau balas...?????"
Ibu Guru : " Terdiam ....... melongo ..... hah "

MOP : SAPA PU BAPA YANG PALING CEPAT ?

Ada tiga orang anak kecil mho, dorang pu nama
Obed, Markus deng Pilemon. Dorang tiga lagi baku debat
tentang sapa pu Bapa yang paling cepat.

Markus : "Sa pu Bapa sudah paling cepat .
Bapa atlit panah toooo, jadi setelah Bapa de lepas itu
panah. Bapa lari dan bisa sampae lebeh dolo dari pada itu
panah. Bagemana, mantap tooo sa pu Bapa ..??"

Pilemon : "Ahh, itu su biasa kawan, coba ko
dengar ini !! Sa pu Bapa nih seorang pemburu. Setelah Bapa
tembakkan Bapa pu peluru, Bapa de lari dan bisa sampae
dolo dari pada itu peluru. Mamaeee..itu sa pu Bapa de pu cepat saja,
bagaimana coba ?"

Obed : "Alahhhhh. sudah, ko dua pu Bapa maseh
kalah cepat deng sa pu Bapa. Sa pu Bapa nih seorang
pegawai tooo. Sa pu Bapa nih pung kantor pulang pukul 5
sore, tetapi de su sampe rumah nih pukul 4. Cepat
tooo...!!?"

Markus dengan Pilemon baku liat:" Iyooo ko Obed, ko pu Bapa paling cepat yoooo .... Cukarbeleng !!!


MOP : KUCING DAN KANGKUNG

Anak 3 anak kecil, dong crita soal sayur kangkung di dong pu kampung masing-masing.

Anak 1 : "Di sa pu kampung tuh, kangkung besar-besar skali, kalop masak beberapa batang saja, pasti makan sampe kenyang,"

Anak 2 : " Ah, itu kurang, di sa pu kampung, sayur kangkung tuh tikus bisa masuk di dalam," Anak 1 dan 3 heran skali.

Giliran anak ke 3, dia tra mau kalah. Anak 3 : "Kalo di sa pu kampung, tikus tra bisa masuk dalam kangkung,"

Anak 1 dan 2 : "Ah, itu tra hebat, pasti kangkungnya kecil-kecil too,"
Anak 3: "Sabar dulu, kam tau kenapa tikus tra bisa masuk?" Dong dua diam. Trus anak ke 3 lanjut:

"Itu karena di sa pu kampung tuh, dalam kangkung ada kucing,"

MOP : KO MATI SANA !

Su 2 hari Tete masuk Rumah Sakit kena demam. Sekarang Tete su sehat. 
Dokter bilang Tete su boleh minum kopi. 
Tete minta kopi sama Suster, "Suster, bolehkah sa minta kopi satu cangkir?"
"O, boleh Bapa. Tunggu sebentar e," kata Suster.
Tra lama Suster balik sambil kasih de pu kopi ke Tete, 
"Ini Bapa kopinya."
"Trimakasih e," jawab Tete meringis kepanasan.
Tete ambil obat, trus Tete tetesi ke dalam kopi.
Suster mara, "Bapa, ko kasi apakah ko pu kopi?!"
"O, Suster," jawab Tete. "
Ko kasih sa kopi panas, jadi sa kasih obat penurun panas toh..?!"
Suster ngeloyor pergi sambil ngomel, "Ko mati sana..."



Mop : Denias 

Denias sekarang su kuliah, dong pergi kuliah ke jakarta
dong kuliah di tempat elit, tempat orang kaya

denias pu teman ini kalo kuliah bawa mobil
denias sendiri kuliah hanya naik umum saja

Denias lapor sama denias pu bapa
denias : ” bapak, denias ini kalo pi kuliah tara gaul sekali”
pacenya denias : “tara gaul bagaimana ale? ko tra pu teman kah?

D : “bukan…sa pu teman banyak, dong keren2, kaya2 juga mo, kalo berangkat kuliah dong bawa kijang, kuda, panteer, ada juga yang bawa jaguar.
P : “memang kenapa denias? epen kah?

D : “epen to. denias ini tara punya apa2, sa pi kuliah ini naik bajaj, bapak tara ikut malukah?”
P : “o..kalo gitu tenang sudah, ko pu pace ini orang kaya, minggu depan pace kirim biar ko tara malu lagi sama ko pu teman”

D : “iyoka…? bapak mo kirim apakah?”
P : “iyo..ko sabar sudah, sebentar pace kirim tong pu babi kesana”

0 komentar:

Poskan Komentar

Related Posts Plugin for WordPress, Blogger...